منتديات السادات

منتدى ثقافي رياضي اجتماعي
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 محجوب شريف شاعر الشعب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أنور



المساهمات : 240
تاريخ التسجيل : 18/01/2015

مُساهمةموضوع: محجوب شريف شاعر الشعب   الخميس ديسمبر 24, 2015 12:33 pm

ﺗﻼﺗﺔ ﻛﺒﺎﺭﻯ ﻭﺷﺎﺭﻋﻴﻦ ﻭﺳﺪ
** ﻣﺤﺠﻮﺏ ﺷﺮﻳﻒ
ﺗﻼﺗﺔ ﻛﺒﺎﺭﻯ ﻭﺷﺎﺭﻋﻴﻦ ﻭﺳﺪ ..
ﻗﺪﻳﺘﻮﻧﺎ ﻗﺼﺎﺩﻫﻢ ﻗﺪ ..
ﻟﻮ ﺟﻴﻨﺎ ﻟﻜﺸﻒ ﺣﺴﺎﺏ ﻭﺟﺮﺩ ..
ﺃﻣﺴﻚ ﻭﺍﺣﺪ ﺃﻭﻝ ﺑﺪﺀ :
ﺳﺮﻗﺘﻮ ﻭﻃﻦ ﻭﺍﺳﻊ ﻣﻤﺘﺪ ..
ﻓﻜﻜﻔﺘﻮﻫﻮ ..
ﻭﺯﻋﺰﻋﺘﻮﻫﻮ ..
ﻭﺃﺭﻫﻘﺘﻮﻫﻮ ..
ﻭﺑﺸﺘﻨﺘﻮﻫﻮ ..
ﻭﻫﺪﻳﺘﻮﻫﻮ ﻫﺪﺍ ﻫﺪ ..
ﻭﻫﺎﻙ ﺍﻟﺘﺎﻧﻰ ﺃﻣﺮﺍ ﺃﺩ :
ﺣﻜﻤﺘﻮ ﺷﻌﺐ ﻛﺎﻥ ﺯﻯ ﺍﻟﻮﺭﺩ ..
ﺃﻓﻘﺮﺗﻮﻫﻮ ..
ﻭﺷﺮﺩﺗﻮﻫﻮ ..
ﻭﺟﻬﺠﻬﺘﻮﻫﻮ ..
ﻭﻋﻨﺼﺮﺗﻮﻫﻮ ..
ﻭﻗﻄﻌﺘﻮ ﺣﺒﻞ ﻛﺎﻥ ﻭﺍﺻﻞ ﻭﺩ ..
ﺍﺧﺪ ﺍﻟﺘﺎﻟﺖ ﻟﻮ ﺗﺮﺗﺪ :
ﻭﺟﺪﺗﻮ ﻣﺼﺎﻧﻊ ﻟﻘﻴﺘﻮ ﻣﺰﺍﺭﻉ ..
ﻭﺳﻜﺔ ﺣﺪﻳﺪ ﺟﺪ ﺑﺎﻟﺠﺪ ..
ﻋﻄﻠﺘﻮﻫﺎ ..
ﻭﻓﺮﺗﻘﺘﻮﻫﺎ ..
ﻭﻭﻗﻔﺘﻮﻫﺎ ..
ﻭﺷﻠﻌﺘﻮﻫﺎ ..
ﻭﻗﻄﻌﺘﻮ ﺭﺯﻕ ﻋﻤﺎﻝ ﻣﻦ ﺣﺪ ..
ﺍﺣﺴﺐ ﺭﺍﺑﻊ ﻭﺗﺎﺑﻊ ﺍﻟﻌﺪ :
ﻭﻳﻦ ﺗﻌﻠﻴﻤﻨﺎ ﻭﻭﻳﻦ ﺗﺮﻧﻴﻤﻨﺎ ؟
ﻭﻳﻦ ﺁﺩﺍﺑﻨﺎ ﻭﻭﻳﻦ ﻛﺘﺎﺑﻨﺎ ؟
ﻭﻳﻦ ﺭﻳﺎﺿﺘﻨﺎ ﻭﻭﻳﻦ ﺭﻳﺎﺩﺗﻨﺎ ؟
ﻣﺮﻣﻄﻮﻫﺎ ..
ﻭﺃﺧﺮﺗﻮﻫﺎ ..
ﻭﺃﻓﺸﻠﺘﻮﻫﺎ ..
ﻭﻃﻴﺸﺘﻮﻫﺎ ..
ﻭﺧﻠﻔﺘﻮﻫﺎ ﺟﻬﻞ ﻋﻦ ﻗﺼﺪ ..
ﺷﻮﻑ ﺍﻟﺨﺎﻣﺲ ﺃﺧﺬ ﻭﺭﺩ :
ﻛﻴﻒ ﻭﺣﺪﺗﻨﺎ ﻭﻛﻴﻒ ﺩﻭﻟﺘﻨﺎ ؟
ﻛﻴﻒ ﻋﻴﺸﺘﻨﺎ ﻭﻛﻴﻒ ﺣﺎﻟﺘﻨﺎ ؟
ﻭﻭﻳﻦ ﺛﺮﻭﺍﺗﻨﺎ ﻭﻭﻳﻦ ﺃﻣﻮﺍﻟﻨﺎ ؟
ﻭﻳﻦ ﻏﻴﺮﺗﻨﺎ ﻭﻛﻴﻒ ﺳﻤﻌﺘﻨﺎ ؟
ﺧﺮﻣﺠﺘﻮﻫﺎ ..
ﻭﺑﺸﺘﻨﺘﻮﻫﺎ ..
ﻭﺑﺪﺩﺗﻮﻫﺎ ..
ﻭﻟﻮﺛﺘﻮﻫﺎ ..
ﻭﺑﻰ ﺳﻤﻌﺘﻨﺎ ﻣﺴﺤﺘﻮ ﺍﻷﺭﺽ ..
ﻫﺎﻙ ﺍﻟﺴﺎﺩﺱ ﻭﻧﻔﺴﻚ ﺳﺪ :
ﺭﺋﻴﺴﺎ ﺭﺍﻗﺺ ﺭﻗﺼﺎ ﺷﻴﻦ ..
ﻣﺴﺌﻮﻝ ﻣﺰﻭﺍﺝ ﺭﻛﺎﺏ ﺳﺮﺟﻴﻦ ..
ﻭﺯﺍﺭﺓ ﺗﺠﺎﺭﺓ ﻭﺑﻴﺎﻋﻴﻦ ..
ﻧﺎﺳﺎ ﻋﺎﻳﺸﺔ ﻭﻣﺒﺴﻮﻃﻴﻦ ..
ﺟﻀﻮﻡ ﻣﻨﻔﻮﺧﺔ ﻣﻠﻤﻌﺔ ﺯﻳﻦ ..
ﻛﺮﻭﺵ ﻣﻤﺪﻭﺩﺓ ﻣﺘﺮ ﻣﺘﺮﻳﻦ ..
ﺃﻳﺎﺩﻯ ﻃﺮﻳﺔ ﻧﻌﻮﻣﺔ ﻭﻟﻴﻦ ..
ﻃﺎﻟﻌﻴﻦ ﻣﺎﻛﻠﻴﻦ ﻧﺎﺯﻟﻴﻦ ﺑﺎﻟﻌﻴﻦ ..
ﻣﻨﺎﺷﺮ ﺗﻨﺸﺮ ﻣﻄﺤﻮﻧﻴﻦ ..
ﺑﻔﻘﻪ ﺍﻟﺴﺘﺮﺓ ﻣﺤﻤﻴﻴﻦ ..
ﺑﻔﻘﻪ ﺿﺮﻭﺭﺓ ﻭﻗﻮﺓ ﻋﻴﻦ ..
ﻧﻬﺎﺑﻴﻦ ﻭﻣﻐﺘﺼﺒﻴﻦ ..
ﻓﺴﺎﺩ ﺷﻔﻨﺎﻫﻮ ﺭﺃﻯ ﺍﻟﻌﻴﻦ ..
ﻭﺷﻤﻴﻨﺎﻫﻮ ﺃﺑﻮ ﺍﻟﻌﻔﻴﻦ ..
ﻭﻧﺎﺱ ﺑﻬﻨﺎﻙ ﺩﺍﻳﺸﻴﻦ ﺩﺍﻳﺨﻴﻦ ..
ﺑﻄﻮﻧﻬﻢ ﺧﺎﻭﻳﺔ ﻭﻣﺎ ﻻﻗﻴﻦ ..
ﻭﺟﻮﻫﻢ ﻫﺎﻳﻤﺔ ﻭﻓﻘﺮﺍﻧﻴﻦ ..
ﻭﻋﻴﻨﻬﻢ ﻃﺎﻟﻌﺔ ﻭﻛﻤﺎﻥ ﺻﺎﺑﺮﻳﻦ ..
ﻭﻟﻴﻪ ﺳﺎﻛﺘﻴﻦ ؟
ﻭﻟﻤﺘﻴﻦ ﺳﺎﻛﺘﻴﻦ ؟
ﺑﺈﺳﻢ ﺍﻟﺪﻳﻦ ﺍﻟﺨﺪﺍﻋﻴﻦ ..
ﺧﻠﻮ ﺣﻴﺎﺗﻨﺎ ﺯﻓﺖ ﻭﻃﻴﻦ ..
ﺗﺠﺎﺭ ﺍﻟﺪﻳﻦ ﺍﻷﻓﺎﻛﻴﻦ ..
ﻣﻠﻌﻮﻧﻴﻦ .. ﻣﻠﻌﻮﻧﻴﻦ
ﻣﻠﻌﻮﻧﻴﻦ ﻟﻰ ﻳﻮﻡ ﺍﻟﺪﻳﻦ ..
ﻏﺸﻴﺘﻮﻧﺎ ..
ﻭﺑﺸﺘﻨﺘﻮﻧﺎ ..
ﻭﻋﺬﺑﺘﻮﻧﺎ ..
ﻭﺟﻨﻨﺘﻮﻧﺎ ..
ﻭﺑﻜﻴﺘﻮﻧﺎ ﺩﻣﻊ ﻭﺩﻡ ﻭﻟﻄﺨﺔ ﺧﺪ ..
ﻭﺗﻘﻮﻝ ﻟﻰ ﻛﻤﺎﻥ !!!!
ﺗﻼﺗﺔ ﻛﺒﺎﺭﻯ ﻭﺷﺎﺭﻋﻴﻦ ﻭﺳﺪ !!!!
ﺑﺲ ﻳﺎ ﻭﺩ ..
ﺣﻴﻠﻚ ﺷﺪ ..
ﻭﻳﺪ ﻋﻠﻰ ﻳﺪ ..
ﻛﻠﻨﺎ ﺿﺪ ..
ﺿﺪ ﺍﻟﻌﺴﻜﺮ ﻭﺣﻜﻢ ﺍﻟﻔﺮﺩ .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
محجوب شريف شاعر الشعب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات السادات :: الفئة الأولى :: منتدى الاغاني المكتوبه-
انتقل الى: