منتديات السادات

منتدى ثقافي رياضي اجتماعي
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 محليل الحلة و الحيشان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أنور



المساهمات : 240
تاريخ التسجيل : 18/01/2015

مُساهمةموضوع: محليل الحلة و الحيشان   الأحد أبريل 24, 2016 9:57 am

ﻋﺜﻤﺎﻥ ﺑﺮﻳﻤﻪ
ﺣﻠﻴﻞ ﺣﻠﺘﻨﺎ
ﻟﻠﺤﻴﺸﺎﻥ ﻭﺍﻟﺒﻴﻮﺕ ..ﻭﻟﻠﺸﻮﺭﺍﻉ ﻭﺍﻷﺯﻗﻪ ..ﻟﺠﺎﻣﻌﻨﺎ
ﺍﻟﻌﺘﻴﻖ ﻭﺍﻟﻤﺴﺘﻮﺻﻒ ﻭﻟﻠﻨﺎﺱ ﺍﻷﺧﺪﻭ)ﺍﻟﻘﺮﻭﺣﻪ ( ﻟﺸﺠﺮ
ﺍﻟﻨﻴﻢ ﻭﻟﺤﺒﻮﺑﻪ ﺯﻫﺮﻩ ﺑﺎﺋﻌﺔ ﺍﻟﺘﺴﺎﻟﻲ ..ﻟﺸﻠﺔ ﺍﻟﺪﺍﻓﻮﺭﻱ
ﻭﺩﻓﻌﺔ ﺍﻟﻤﺪﺭﺳﻪ. ﻟﻲ)ﺇﻧﻘﻠﻪ ﻭﻋﻘﻮﺑﻪ ( ﻭﻟﻴﻜﻢ ﻭﻟﻴﺪﺍﺗﻨﺎ
ﻭﺑﻨﻴﺎﺗﻨﺎ ﺍﻟﺒﺮﻩ ﺍﻟﺴﻮﺩﺍﻥ.
ﻛﺘﻴﺮ ﺑﻨﻐﺎﻟﺐ ﺍﻟﺪﻣﻌﺎﺕ
ﻟﻤﺎ ﺍﻟﺬﻛﺮﻱ ﺑﻴﻨﺎ ﺗﺠﻴﺶ
ﻭﻛﺖ ﻧﺘﺬﻛﺮ ﺍﻟﺠﺎﻣﻊ
ﻭﻧﻴﻤﺎﺕ ﺟﺪﻧﺎ ﺍﻟﺸﺎﻭﻳﺶ
ﺳﻤﺢ ﻟﻤﺘﻨﺎ ﻓﻲ ﺍﻟﺤﻴﺸﺎﻥ
ﻭﻓﻲ ﺧﻠﻮﺓ ﺍﺑﻮﻱ ﻛﻨﺘﻴﺶ
ﻭﻓﻲ ﺍﻟﻨﻮﺑﻪ ﺍﻟﻤﺤﺎﺭﺑﻪ ﺍﻟﻨﻮﻡ
ﻓﻲ ﺑﻴﺖ)ﻭﺩ ﺷﺒﻮ ( ﺍﻟﺪﺭﻭﻳﺶ
..........
ﻣﻦ ﺗﺸﺮﻕ ﺷﻤﺲ ﻳﻮﻣﻨﺎ
ﻧﻜﻮﺱ ﻓﻲ ﺑﻴﻮﺗﺎ ﻭﺩﺭﻭﺑﻪ
ﻓﻄﻮﺭ ﻣﺮﺍﺕ ﻣﻊ ) ﺃﺭﻏﻴﻒ (
ﻏﺪﺍﻧﺎ ﺗﺠﻬﺰﻭ)ﺍﻡ ﺭﻭﺑﻪ (
ﻭﺍﻟﻌﺼﺮﻳﻪ ﻓﻮﻕ ﺍﻟﺨﻮﺭ
ﻣﻊ ﺍﻟﺒﻴﻘﻠﺒﻮ ﺍﻟﻬﻮﺑﻪ
ﺧﺒﺎﺭﻭ ﺯﻣﺎﻧﺎ ﺑﺪﻟﻨﺎ
ﻭﺧﻠﻲ ﺍﻟﺼﻮﺭﻩ ﻣﻘﻠﻮﺑﻪ
....
ﺣﻠﻴﻞ ﺍﻟﺸﻮﻝ ﺣﻠﻴﻞ ﺣﺴﻨﻪ
ﺣﻠﻴﻠﻪ ﺑﺨﻴﺘﻪ ﺑﺖ ﺍﻟﺠﺎﻙ
ﻭﻋﻨﻜﻮﻟﻴﺐ ﺗﺤﺖ ﺗﺒﺴﻪ
ﻭﺧﻴﺘﻪ ﺍﻟﺘﺎﺭﻩ ﺑﻲ ﺑﺎﻟﻤﻔﺮﺍﻙ
ﺗﺒﺶ ﺩﻛﻮﻩ ﻭﺻﺤﻦ ﻟﺤﺴﻪ
ﻭﺃﺑﻮ ﺭﺟﻴﻠﻪ ﺍﻟﻔﺎﺭﺷﻪ ) ﻧﻨﻮ ( ﻫﻨﺎﻙ
ﻭﺟﺪﻱ)ﻋﻤﺮ ( ﻳﺴﺐ ﻳﻠﻌﻦ
ﺧﺒﺎﺭﻭ ﺇﺗﺄﺧﺮ ﺍﻟﺘﻤﺒﺎﻙ
......
ﻣﻨﻮ ﺍﻟﻜﺎﻥ ﻓﻴﻬﺎ ﺑﻤﺴﻲ ﺟﻌﺎﻥ
ﻭﺃﻫﻠﻬﺎ ﺑﻜﺮﻣﻮﺍ ﺍﻟﻀﻴﻔﺎﻥ
ﻋﺎﻳﻦ ﻟﻴﻬﺎ ﻣﻦ ﺍﻟﻜﺒﺮﻱ
ﻟﻲ ﻋﻮﺍﺽ ﺃﺑﻮ ﺍﻟﺘﻴﻤﺎﻥ
ﺗﺸﻮﻑ ﻃﻴﺒﻪ ﻭﺳﻤﺎﺡ ﺃﺧﻼﻕ
ﺗﺸﻮﻑ ﻓﺮﺳﺎﻥ ﺗﺸﻮﻑ ﻧﻴﺮﺍﻥ
ﻣﺎ ﻛﺎﻥ ﻭﺩ ﺃﺏ ﻗﺮﻥ ﺭﺍﻳﻪ
ﻭﻛﺎﻥ ﺷﻴﺦ ﻣﻮﺳﻲ ﻭﺩ ﺣﺮﺍﻥ
.....
ﻋﺰﺍﺯ ﺃﻫﻠﻪ ﻭﺑﻌﺰﻭﻫﺎ
ﻭﺧﻔﻴﺮﻩ ﺍﻟﻔﻴﻬﺎ ﺗﻠﻘﻲ ﺃﻣﻴﺮ
ﻭﻛﻠﻤﺎ ﺗﻐﻮﺹ ﻓﻲ ﺍﻋﻤﺎﻗﻪ
ﺗﻠﻘﻲ ﺍﻟﺠﻮﻩ ﺃﺣﻠﻲ ﻛﺘﻴﺮ
ﺃﺳﻤﻊ ﻟﻴﻚ ﺟﻨﺲ ﺃﺳﻤﺎﺀ
ﺗﻘﻮﻝ ﻣﻦ ﻋﺎﻟﻢ ﺍﻷﺳﺎﻃﻴﺮ
)ﺃﻡ ﺃﻣﻮ ()ﺃﺏ ﺃﺑﻮ (
)ﺷﻠﻮﺧﻪ (ﻭﺁﻳﺴﺎ ﺇﻳﺎ ﻛﺒﻴﺮ
.......
ﺳﻌﻴﺪ ﺍﻟﻔﻴﻬﺎ ﺑﺴﻜﻦ ﻳﻮﻡ
ﺃﻭ ﻟﻲ ﺃﻫﻠﻬﺎ ﻳﺠﺎﻭﺭ
ﻳﻘﺎﺑﻞ ﻓﻴﻬﺎ ﺳﻤﺴﺎﻋﻪ
ﻭﻳﺴﻤﻊ ﺻﻮﺕ ﻓﻜﻲ ﻣﺸﺎﻭﺭ
ﺗﻘﺎﺑﻠﻮ)ﻗﺮﻳﺒﻪ ( ﺑﺎﻟﻀﺤﻜﺎﺕ
ﺗﺸﺎﻏﻞ ﻓﻴﻬﻮ ﻭﺗﻨﺎﻭﺭ
ﻛﻔﺎﻙ ﻳﺎﺟﺮﺣﻲ ﺍﺧﻤﺪ ﻧﻮﻡ
ﻟﻤﺘﻴﻦ ﻓﻴﻨﻲ ﺑﺘﺎﻭﺭ
......
ﻭﺃﺭﻳﺖ ﺃﻋﻤﺎﺭﻧﺎ ﻟﻮﺗﺮﺟﻊ
ﺗﻠﻒ ﺃﻳﺎﻣﻪ ﺗﺎﻧﻲ ﺗﺪﻭﺭ
)ﺭﺑﻴﺘﻨﺎ ( ﻳﺼﻨﺪﻝ ﺍﻟﺤﻴﺸﺎﻥ
ﻧﺸﻢ ﻣﻦ ﺭﻳﺤﺘﻮ ﺃﺣﻠﻲ ﺑﺨﻮﺭ
ﻳﺮﺟﻊ ﻟﻴﻨﺎ ﺳﺖ ﺩﺭﻱ
ﻣﻨﻬﺎ ﻧﺸﺘﺮﻱ ﺍﻟﻘﺮﻗﻮﺭ
ﻭﻧﻘﻌﺪ ﺩﺍﻳﺮﻩ ﻧﺺ ﺍﻟﺨﻮﺭ
ﻭﻧﺘﺼﺎﻗﻊ ﻣﻊ ﻋﻜﻮﺭ ####٨
12 ﻣﺎﺭﺱ، ﺍﻟﺴﺎﻋﺔ 08:54 ﻣﺴﺎﺀ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
محليل الحلة و الحيشان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات السادات :: الفئة الأولى :: المنتدى العام-
انتقل الى: